#wedo文化 - 食得嘅尼泊爾護身符？
唔知大家有無買過護身符黎保佑健康、工作或者考試📚✏之類。小編＆好多尼泊爾人都會自制一個食得嘅護身符，等我教大家點整啦！
話說尼泊爾有個習俗，就係如果要去做啲好重要嘅野，例如考試、出差咁，出門口之前除咗會上香🙇🏻♀拜神(好多尼泊爾人都信奉印度教Hinduism），長輩會餵嗰個人食乳酪(Dahi), 仲會溝埋白糖🧂落去，代表住祝你好運＆平安。呢個習俗嘅來源就係因為好耐以前，交通🚗🚲仲未方便嘅時候，出門可能要行好遠路，所以就會食定dahi補充體力。
尼泊爾人係飲食方面都會成日配乳酪，例如乳酪撈飯🍚、撈菜🥬、撈肉🥩咁。節日上又會用乳酪，例如：德賽節 (dashain)會係額頭擺蒂卡(tikka)。Tikka係用米、乳酪同埋硃紅粉混合而成，所以乳酪對尼泊爾人黎講都幾緊要架！。小編我都成日係屋企食乳酪撈飯，再加其他菜式，味道清得黎有少少甜，口感唔錯又幾好食，大家得閒都可以試下。😚😚 Photo: Sanu Raja Maharjan/ THT
7/20/2019, 2:55:11 PM