Ентериерот во Peugeot 108 има интересен и едноставен дизајн. Има минимален број на копчиња и контроли кои се многу лесни за користење. Тестираниот модел имаше и многу кул детали во сина боја, пластиките околу отворите за воздух, горниот дел на вратите(напред и назад), менувачот и карираните седишта. Кога станува збор за материјалите во кабината, скоро сите делови се со тврда пластика, но да бидеме реални кога ќе ја земете во предвид цената и намената на возилото тоа е сосема океј. Не е потребно, а и неможе да биде луксузно внатре. Единствената работа која јас би ја додал во ентериерот е 7-инчниот дисплеј за infotainment системот(опција во Active, а стандард во Allure и Top! нивоата).
-
Предните седишта се удобни и доста просторни, а лесно се наоѓа и идеална возачка позиција.
На задните седишта, нормално, нема баш многу простор. Деца или пониски луѓе ќе може да седат, но само за некои кратки релации. Според некое истражување на Peugeot, луѓето кои поседуваат ваков тип на возило, задните седишта скоро и никогаш не ги употребуваат. Затоа овој нов модел на 108, во споредба со претходниот има намален простор на задните седишта, но сега багажникот е поголем. На располагање имате 180 литри, а доколку ги спуштите задните седишта прераснуваат во 868 литри.
-
Што мислите за ентериерот во 108?😊
-
Наскоро целиот тест на www.carsbyvik.mk