من زۆر لە ناو تەبیعەتدا نەژیاوم، بەڵام عومری خۆم لە دارستانێکی تردا بەسەربردووە کە ناوی زانکۆیە... بەشەر، زانکۆ چییە؟ ئەویش جۆرە دارستانێکی تازە و ترسناکە کە پڵنگ و گورگ و کۆتری خۆی هەیە، پەپولە و دوپشکی خۆی هەیە. لە هیچ شوێنێکدا ئینسان وەک زانکۆ ناتوانێت بۆنی ترس بناسێتەوە، من خەستەخانەکانم بینیوە، ژووری نەشتەرگەریی چووم، دادگام دیوە، بەندیخانەم بینیوە، سەردانی ناسیاوم کردوە لە ژووری سێدارەدا چاوەڕوانی مردن بووە، بەڵام هیچ شتێک وەک ڕیواق و سەکۆ و ژوورەکانی ناو زانکۆ بۆنی ترسیان لێ نایەت. من چەند ساڵ لەوێ وەک بە ناو جەنگەڵدا بێم و بچم ترسێکی شاردراوەم لە دڵدا بووە، کە بە ویقاری مامۆستایی دامپۆشیوە. ترسی قوتابیەکان لە دەرنەچوون، ترسی ئەبەدیی کچان لە کوڕان، ترسی کوشندەی کوڕان لە کچان، ترسی مامۆستاکان لە چاوی دڵڕەق و نیگای پڕ لە گاڵتەی خوێندکارە گەمژەکان، لەرزی خوێندکارەکان لە پەلامار و چنگی تیژی مامۆستاکان کە هەندێکیان کەڵبە و چنگیان لە زانین و مەعریفەتیان بەهێزترە... لەو دارستانەدا فێربووم، هەر بە بۆنی ترسدا ئەوانە بناسمەوە کە دەبێت بیانناسم.
.
"بەختیار عەلی"
"کەشتیی فریشتەکان٣"
#sul #sulimany #hawler #dahok #zaxoyi #akre #amide #bardarash #shangal #shaqlawa #soran #masif #permam #rundiz #balakayate #warty #xalifan #xabat #kalar #darbandixan #garmyan #ranya #dukan #xalakan #hajyawa #karkuk #italy #garmyan #hollanda #هەولێر_مهاباد_ئامێد_کرماشان_قامیشلی_کوبانی_ورمێ_سلێمانی_شەنگاڵ_سنە_سەقز_بۆکان_ئیلام_دهۆک_سەردەشت_نەغەدە_شنۆ_پیرانشار_کەرکوک_هەورامان