港資咖啡麵包甜品店
利申: 認識創辦人F兄,但我可以對天發誓冇收任何錢/要求打呢篇文
Crostini
早前曾被po上連登狙擊的一家咖啡店
黃藍是政見,黑白是良知。
唔應該用一間店既顏色去界訂佢嘅立場。F兄係一位白手興家既生意人&物業投資者,從穿膠花開始,到成為一名廠佬,再到發績,佢同我講開辦Crostini係為完成佢小時候既一個心願。
記得農歷新年既時候,我同一班朋友想整啲福袋派畀老人院同露宿者,我搵F想買啲曲奇,佢馬上答應用一個極低既價錢賣畀我,做善事不遺餘力,佢係店內亦都放置左慈善機構既捐款箱,大家啲碎銀可以幫助下香港有需要既貧困家庭。
一個身家億計既生意人,係我呢個小朋友面前,丁點兒架子都冇,唯一令人生懼既應該係佢嘅酒量。
我幫襯呢家店差不多有兩年,說真的,麵包幾好但一開始飲品真係麻麻地,但一直感受到佢既進步,我係一個好喜歡飲latte既人,前幾日飲左杯,奶是沒問題的,但咖啡可以再進步,層次感同果香都不足。
相比之下,另一位前輩H的%,佢既咖啡確實比較出色,但兩家店的定位不一樣,一家專做咖啡,一家係連鎖生活店,下次才詳談%。 如果唔想幫襯美心Starbucks,Crostini都係一個好選擇,一樣係各大商場有分店,有枱有櫈可以hea時間溫書,牛角包可以一試,曲奇餅送禮亦唔錯,或者可以買佢啲西餅做散水餅。佢亦都有賣花,平Agnes B一截但質素唔差太遠。
希望呢個牌子可以一直進步,做一間香港人既連鎖咖啡麵包甜品店。
#crostini #foodiehk #coffee #bakery #hongkonglifestyle #lifestyleblogger #不是廣告 #likeforlikes #followforfollowback #ilikehongkong #hongkongfollow