jestpic.com

致各位 DSE 考生//
當下成績唔代表一切，亦都唔係你吔嘅錯
只係未搵到能令你著迷嘅事
·
讀書果時我都係被遺棄嘅一群
成績差，運動又唔叻，又有段時間比人排斥
·
好多時間 都只係想留係美術室
因為果到 好靜 而我又可以想與做我想做嘅嘢
·
五年後，畫左金像獎
美術老師 葉家偉老師 邀請左我返學校擺展
佢出錢裱晒36張畫 差唔多成萬蚊
#我係佢當年轉校第一屆學生亦係唯一仲傻傻地畫緊畫嘅
·
展覽開幕 校長黎握手 但我連佢姓咩都已經唔記得
咁當然 我佢都唔會記得我
哈哈 果時差啲係個台到講
「你地學校校長姓咩叫咩唔緊要，你地會好快忘記，因為有更重要嘅事等緊你！」
·
「想做嘅事 你連圈都入唔到去跑，咁你咪圈外跑囉，終有一日你會跑入去。或者你就係果條新嘅賽道！」
·
係架，如果你覺得我可以嘅咪去做，或者唔夠好嘅咁更加應該去做！
老肚一句「加油！」
我們於有一日路上會遇上，到時再分享你嘅故事。