Radikal addımları ilə hər zaman gündəmdə olan ölkələrdən biri olan Çin bu dəfə “Telegram”a qadağa tətbiq edib. Keçən həftə “WhatsApp” və “Threads” proqramlarını da bloklayan ölkə, görünür, bu dəfə “Telegram”ı hədəf alıb. Ölkənin son zamanlar sosial media platformalarına tətbiq etdiyi qadağalar təccübləndirici olsa da, Çin rəhbərliyinin önümüzdəki dövrdə yerli mesajlaşma tətbiqləri xaricində tətbiqlərə icazə verməyəcəyi bildirilir.
Xarici mesajlaşma tətbiqlərində çox təhlükəli casusluq fəaliyyətlərinin aparıldığını iddia edən Çin rəhbərliyi bunun qarşısını almaq üçün əllərindən gələni edəcəklərini bildirir. Qadağa qərarına əməl etməli olan “Apple”, “Telegram”ı rəsmi şəkildə “ App Store”dan silib. Bu vəziyyətə böyük reaksiya verən şirkətin qurucusu Pavel Durov iddia edir ki, “Apple” özünü ayağından vurur və günün sonunda bundan uduzan tərəf onlar olacaq.”Bu qərarla “Apple”ın Çindəki bazar payının əhəmiyyətli dərəcədə azalacağını təxmin edən Durov, bir çox çinli istifadəçinin VPN kimi tətbiqlər sayəsində artıq bütün bu qadağaları asanlıqla aşdığını ifadə edib. “Apple” rəhbərliyi hələlik məsələ ilə bağlı ətraflı açıqlama verməyib.
#Apple #Telegram #VPN #Çin #WhatsApp #Threads #proqram #capitalist